T’ASPETTU... 'N PARADDISU

L’acqua scinni lenta di lu celu, brillannu nta li vitra comu sita; luciatu chi ci sbatti pari un telu, dunni ogni icòna è frutta di la vita.

Grapennu la finestra a banidduzza, acchiana 'u ciauru di la terra mia; canta un cardiddu, scappa 'na sirpuzza, un tronu 'mpera 'n mezzu sta puisia!

Dui vicchiareddi parlanu tra iddi, comu si di l’addiu già fussi l’ura e mentri ci accarizza li capiddi, lu vecchiu strinci forti 'a so “Signura”.

«Ti lassu vita mia... speciali amuri...» ci dissi idda, mentri chi chiancìa, «... fazzu la volontà di lu “Signuri”, nun pozzu cchiù arristari a ciancu a tia.

Ti lassu comu donu lu ricordu, d’ogni mumentu di complicità, di tutti li vasuna chi non scordu, di ogni istanti di filicità;

ma statti quetum sulu non ti lassu, e 'n ogni cosa ci sarà prisenza, di lu me cori chi ti guida 'u passu e d’u me amuri, sentirai l’essenza». Poi aisannusi ci detti 'na vasata

e regalannu l’urtimu surrisu, ci dissi cu 'na vuci dilicata: «Ciao vecchiu meu... t’aspettu 'n Paraddisu!»

TRADUZIONE IN ITALIANO - T’aspetto in Paradiso L’acqua scende lenta dal cielo / Brillando nei vetri come seta; / il fiato che ci sbatte sembra un telo, / dove ogni icòna è frutto della vita. Aprendo la finestra a malapena, / sale l’odore della terra mia; / canta un cardellino, fugge una lucertolina, / un tuono impera in mezzo questa poesia! Due vecchietti parlano tra loro, / come se dell’addio già fosse l’ora / e mentre le accarezza i capelli, / l’anziano stringe forte la sua “Signora”. «Ti lascio vita mia... speciale amore» / gli disse lei, mentre che piangeva, / «faccio la volontà del “Signore”, / non posso più restare al tuo fianco. Ti lascio come dono il ricordo, / d’ogni momento di complicità / di tutti i grandi baci che non scordo, / di ogni istante di felicità; ma stai tranquillo, solo non ti lascio, / ed in ogni cosa ci sarà presenza, / del mio cuore che ti guida il passo / e del mio amore sentirai l’essenza». Poi alzandosi gli diede un bacio / e regalando l’ultimo sorriso, / gli disse con una voce delicata: / «Ciao vecchio mio... t’aspetto in Paradiso».

Copyright © 2008