PROFILO DELL'AUTORE
Mauro Montacchiesi |
‘A vita è troppo bella VERSIONE NAPOLETANA DEL GRANDE MAESTRO PARTENOPEO LUCIANO SOMMA ‘A vita è troppo bella ‘Annanze a mme nu sciummo e pallide, gialli sciure l’accumpagnano, ‘mbriàcate pure tu. L’acqua fresca e trasparente sta scurrenno e sbocciano pe’ mme e pe’ tte ati sciure. E dint’’o core, silenziosamente, dico a mme stesso: ‘a vita è troppo bella. Pure stasera ‘o firmamento se culora d’azzurro pe tramente stelle d’oro se scetano, comme splenneno! Benedetto ‘o juorno ca sponta doppo ‘o passaggio ‘e na notte santa. ‘A libertà d’’e gabbiane ca ‘ncielo parlano se riflette dint’’e facce d’’a ggente che passa. Io nun veco nemice ca se cumbattono ma sulo amice che s’abbracciano e se spiano: “comme staje?” e se diceno te voglio bbene overamente. Sento luntano criature ch’alluccano. L’aggio viste ‘e crescere. Lloro, so’ sicuro, ca facennese gruosse se ‘mpararranno cchiù cose ‘e me. E allora me dico: A’ vita è troppo bella. …è n’ atu juorno che va VERSIONE NAPOLETANA DEL GRANDE MAESTRO PARTENOPEO LUCIANO SOMMA ...è n’atu juorno che va ‘A luce rossa ‘e n’ aurora che sponta ‘o canto ‘e na cucciarda ‘o schiuppà d’’e ffronne ‘a chiacchiera d’’a funtana p’’a via l’ addore d’’o ccafè ch’ essa sta priparanno ‘o ricordo ‘e papà e mammà ‘e n’ amico c’’o tiempo s’ ha purtato pe’ sempe ‘a cagnara d’’e primme guagliune che vanno a’ scola è n’ atu juorno che va… C’est un nouveau jour qui va… Les lueurs roses de l’aurore le gazouillis d’une alouette le craquement des feuilles sous les pas le caquetage de la fontaine dans la rue l’odeur du café qu’elle est en train de préparer le souvenir de mon père de ma mère d’un ami que le temps s’est emporté le chahut des premiers enfants qui vont à l’ école c’est un nouveau jour qui va… Areto all’orizzonte VERSIONE NAPOLETANA DEL GRANDE MAESTRO PARTENOPEO LUCIANO SOMMA Areto all’orizzonte Sta scuparenno ‘o sole areto all’urdemo orizzonte ‘e mare. Io e te stammo ccà scaveze ‘ncopp’’a rena ancora cavera. Cu’ ‘e mmane mmane. ‘a mano toja me dice ca te siente ‘e fremmere. Me sto perdenno dint’’all’uocchie tuoje addò luceno ll’urdeme ragge d’’o sole. Me perdo dint’’e capille ca ‘o viento d’’o mare sta smuvenno. Me sto perdenno dint’a faccia toja dint’a sti vase che triemmolo. Spero ca nun sarraje ricordo. Spero ca sarraje sempre na pazzia. Spero. Voglio. © Copyright by: Mauro Montacchiesi |
